نكت قاتلة

1-واحد المعلم سول واحد التلميد، قال ليه: أش بغيتي تكون فاش تكبر؟

قال ليه التلميد: بغيت نكون ولد الحرام.

قال ليه المعلم: علاش أولدي؟

قال ليه التلميد: حيت بابا فاش كيشوف شي حد عندو طوموبيل واعرة كيقول ليه: ولد الحراااااام

2-جوج رجال تلاقاو ف القهوة.

الأول سول التاني: مجوج؟

قال ليه: اه، مجوج بمرا.

قال ليه لاخور: علاش عمرك شفتي شي واحد مجوج براجل

قال ليه: اه

قال ليه لاخور: شكون؟

قال ليه: ختي.

3-هادو جوج بنات وحدة زوينة ووحدة خايبة تقدموا لشركة بطلب باش تكون وحدة فيهم سكرتيرة

مشاو لعند المدير وقال ليهم: أنا ما كيهمنيش الجمال، أنا كتهمني الكفاءة. غنسول كل وحدة فيكم سؤال باش نشوف شكون اللي تستاهل الخدمة.

سول البنت الزوينة: ماهي بلد المليون شهيد؟

قالت ليه: الجزائر.

قال ليها: ممتاز.

و هو يسول الخايبة: ما هي أسماء المليون شهيد؟

4-هادا واحد الراجل قال لمرتو: جيبي ليا جوج كيسان، واحد فيه الما وواحد خاوي

قالت ليه: علاش؟

قال ليها: نقدر نشرب ونقدر ما نشربش

5-هادا واحد خينا مبوق مع راسو، وجاه البرد بزاف
ملي شعل العافية ودفى مزيان، عجبو الحال، وهو يقول: الله! لهلا يحرمنا منها لا دنيا ولا آخرة.

6-ادا واحد الراجل كاري، وكان السقف ديال الخشب بالي وكيدير الصداع بزاف

ملي جا مول الدار يتخلص الكرا، قال ليه الكاري: خويا صاوب لينا هادا السقف، راه كيخلعنا

قال ليه مول الدار: ما تخافش، راه غير كيسبح الله

قال ليه الكاري: راني خفت يجيه الخشوع ويسجد

7-هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي.

فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم.

دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح.

تخباو فالضلام وبقاو شي نص ساعة لا حس لا نفس.

شوية واحد فيهم نغز اللي حداه وقال ليه: ما عرفتش أشنو طرا بالشيفور!

قال ليه لاخور: راني أنا الشيفور، ها العار قولوا لي أشنو واقع.

8-سولوا واحد: كيفاش كنقولو ساهلة ماهلة بالفرنسية؟

قال ليهم: facile macile